Расмий веб сайти
TUMAN KENGASHINING NAVBATDAGI SESSIYASI BO‘LIB O‘TDI.
Bugun Xalq deputatlari Urganch tumani Kengashining yetmish yettinchi sessiyasi bo‘lib o‘tdi. Sessiyada tuman Kengashi deputatlari, sektor rahbarlari idora-tashkilot rahbarlari, tuman hokimi o‘rinbosarlari, mahalla yoshlar yetakchilari hamda OAV hodimlari ishtirok etdilar.
Sessiya kun tartibida:
-6-Tandirchi saylov okrugi bo‘yicha bo‘shab qolgan o‘ringa xalq deputatlari Urganch tumani Kengashi deputatligiga o‘tkazilgan saylov yakunlari to‘g‘risida.
-Aholi daromadlarini oshirish, kambag‘al oilalarning ro‘yxatini qaytadan shakllantirish bo‘yicha amalga oshirilgan ishlar, Urganch tumanida (“Temir daftar”) ro‘yxatida turgan ehtiyojmand oilalarga moddiy yordam ko‘rsatish maqsadida “Saxovat va ko‘mak” jamg‘armasidagi mablag‘larni sarflash to‘g‘risida hamda Prezidentining “Ijro.gov.uz” ijro intizomi idoralararo yagona elektron tizimi samarali faoliyat ko‘rsatishini taʼminlashga qaratilgan qo‘shimcha chora-tadbirlar to‘g‘risida”gi 2021-yil 31-maydagi PQ-5132-sonli qarori ijrosi yuzasidan.
-Mahallalarga biriktirilgan mahallalarda tadbirkorlikni rivojlantirish, aholi bandligini ta’minlash va kambag‘allikni qisqartirish bo‘yicha tumandagi “Oq yop”, “Rovot”, “Oltinko‘l”, “Adolat” mahallasi hokim yordamchilarining faoliyatini o‘rganish yuzasidan.
-Urganch tuman mahalliy byudjetining 2023-yil 1-chorak ijrosi to‘g‘risida
-“O‘zbekiston Respublikasi Prezidentining 2023-yil 11-aprel kuni o‘tkazilgan videoselektor yig‘ilishida yoshlarni “qizil”, “sariq” va “yashil” toifaga bo‘lib, yoshlar bilan ishlash bo‘yicha berilgan topshiriqlar ijrosini ta’minlash yuzasidan.
-O‘zbekiston Respublikasi Prezidentining 2021-yil 5-noyabrdagi “Sport ta’limi tizimini tubdan takomillashtirish orqali olimpiya va paralimpiya sport turlari bo‘yicha sportchilar zahirasini shakllantirish sifatini yanada oshirish chora-tadbirlari to‘g‘risida”gi PQ-5279-sonli qarorining ijrosi yuzasidan.
Sessiya kun tartibidagi masalalar yuzasidan mutasaddi tashkilot hodimlarining hisobotlari va axborotlar tinglandi. Shundan so‘ng deputatlar fikr hamda mulohazalarini bildirdilar, o‘zlarini qiziqtirayotgan savollarga javob oldilar.
Shuningdek, bugungi bo‘lib o‘tgan tuman Kengashining yetmish yettinchi sessiyasi tuman hokimligining "Facebook"dagi rasmiy sahifasi orqali jonli tarzda yoritilib borildi:
Urganch tumani hokimligi axborot xizmati.
