RASMIY MUNOSABAT

Ijtimoiy tarmoqlar orqali Urganch tumani Yangi obod mahallasi hududidan kesib oʻtuvchi zaxkashga, chiqindilar tashlangani, bu holat esa ushbu mahallada yashovchi fuqarolarga noqulaylik tugʻdirayotganligi toʻgʻrisida, internet va ijtimoiy tarmoqlarda koʻplab video va foto lavha koʻrinishdagi murojaatlar tarqalgan edi. Ushbu holatni bartaraf qilish uchun Urganch tumani hokimligi va Chap qirgʻoq Amudaryo ITB hududidagi meliorativ ekspeditsiya Urganch tuman boʻlimi tomonidan tozalash ishlari boshlab yuborilganligini maʼlum qilamiz.

Ushbu hudud Ekologiya va atrof-muhitni muhofaza qilish Urganch tuman inspeksiyasi tomonidan nazoratga olingan boʻlib, atrof-muhitni muhofaza qilish va tabiatdan foydalanish sohasidagi huquqbuzarliklar borasida 622241489 ishonch raqami va 11-57 qisqa raqamga murojaat qilishlarini soʻrab qolamiz.
Urganch tumani hokimligi axborot xizmati.