Ijtimoiy tarmoqlarda fuqaro E.S ning murojaati e'lon qilindi. Murojaatni o'rganish bo'yicha ishchi guruhi tuzilib, mas'ul tashkilot rahbarlari ishtirokida o'rganish ishlari olib borildi.Fuqaro E.S murojaatida ko’rsatib o’tilgan 103q, 104q konturlardagi yer maydonlaridan tomorqa sifatida foydalanishga asos qilib ko’rsatayotgan 1998-yil 12-noyabrdagi G’alaba jamoa shirkat xo’jaligining №1 bayonnomada Urganch tuman hokimidan so’ralishi keltirib o’tilgan.
Shunga asosan, 103q, 104q konturlardagi yer maydonlarini ushbu fuqaro nomiga Urganch tuman hokimining tasdiqlash to’g’risidagi qarori mavjud bo’lmaganligi sababli davlat ro’yhatidan o’tkazilmagan lekin fuqaro Eshchanova So’najon amalda ushbu yer maydonlaridan yengil tipdagi issiqxona qurib foydalanib kelgan.
O’zbekiston Respublikasi Prezidentining 30.04.2024 yildagi № PF-70 sonli “2024 yilda ipoteka kreditlarini ajratish mexanizmlarini takomillashtirish va aholining uy-joy sharoitlarini yaxshilashga oid qo’shimcha chora-tadbirlar” to’g’risida Farmoni 8-ilovasiga asosan qishloq xo’jaligiga mo’ljallangan yerlar toifasidan, aholi punkti va sanoat maqsadlariga mo’ljallangan toifasiga o’tkazilib “Yangi O’zbekiston” massivini qurish tasdiqlangan.
Urganch tumani 103q, 104q yer uchastkasi e-auksion savdosida 21.12.2024 yildagi № YU-1232892 sonli "ELEKTRON-ONLAYN AUKSION NATIJALARI TOʻGʻRISIDAGI BAYONNOMA"ga asosan"KARAVAN GREEN CITY" MCHJ tomonidan “16 qavatli koʻp xonadonli turar-joy binosi” qurish uchun yutib olingan.
Fuqaro E.S ga tuman hokimligi tomonidan tumanning boshqa joydagi qishloq xo’jalik yerlaridan tomorqa yer uchastkasi berilishi taklif qilingan ammo fuqaro rad qilib kelayotganligi aniqlandi.
Urganch tumani hokimligi axborot xizmati
