Mamlakatimizda amalga oshirilayotgan islohotlarning eng muhim yo‘nalishlaridan biri - “Xalqparvar davlat” milliy dasturini izchil amalga oshirish. Urganch tumanida ham tuman rahbari boshchiligida aholi dardini eshitish, ijtimoiy himoya qilish, sog‘lig‘ini mustahkamlash, muammolarni tezkorlik bilan bartaraf etish borasidagi tadbirlar reja asosida davom etmoqda.

Xususan, Urganch tumani hokimi Gayratjon Sultanov “Uchko'prik” mahalla binosida fuqarolar uchun sayyor qabul o‘tkazdi.

Uy-joyni xususiylashtirish, tadbirkorlikni yo‘lga qo‘yishda yordam, mahalladagi sug‘orish tizimini yanada rivojlantirish, subsidiya asosida joy ajratish va boshqa masalalarda murojaat kelib tushdi.

Tuman hokimi tomonidan har bir fuqaroning murojaati tinglanib, masalalar tegishliligi bo‘yicha shu joyning o‘zida soha mutaxassislari ishtirokida ko‘rib chiqilib, hal etish choralari belgilab olindi.

Vaqt va o‘rganish talab etiladigan murojaatlar ijrosi bo‘yicha mutasaddi idora va tashkilotlarga tegishli topshiriqlar berildi.

Urganch tumani hokimligi axborot xizmati