Жисмоний ва юридик шахсларнинг мурожаатларини қабул қилиш вақтинча тўхтатилади

Маълумки, Ўзбекистон Республикаси Президентининг 2020 йил 19 мартдаги “Короновирус пандемияси ва глобал инқироз холатларининг иқтисодиёт тармоқларига салбий таъсирини юмшатиш бўйича биринчи навбатдаги чора-тадбирлар тўғрисида”ги ПФ-5969-сон Фармони, 2020 йил 26 мартдаги “Ўзбекистон Республикасида коронавирус инфекцияси кенг таркалишининг олдини олишга доир қўшимча чора-тадбирлар тўғрисида”ги ПҚ-4649-сонли қарори ва Ўзбекистон Республикаси Вазирлар Маҳкамасннинг 2020 йил 23 мартдаги “Коронавирус инфекцияси тарқалишига қарши курашиш чора-тадбирлар тўғрисида”ги 176-сон қарорига асосан короновирус инфекцияси “COVID-19” муносабати билан Ўзбекистон Республикасида карантин эълон қилинган.

Эълон қилинган карантин вақтида мулкчилик шаклидан қаътий назар барча давлат органлари ва бошқа хўжалик юритувчи субъектлар (озиқ-овқат, дорихона ва биринчи навбатда хизмат кўрсатувчи) учун иш режимининг муқобил вариантларига ўтиш белгиланган.

Шу сабабдан, Республикада санитария-эпидемиологик осойишталикни таъминлаш мақсадида, Урганч тумани ҳокимлигида хат-ҳужжатларни ва хизматга оид барча ёзишмаларни қоғоз кўринишида айланиши вақтинча тўхтатилади.

Ҳужжатлар фақат - “Корхона ва Селектор" тизими “Урганч тумани ҳокимлиги” орқали ёки t.urganch@umail.uz расмий электрон почтаси орқали амалга оширилишини маълум қиламиз.

Шунингдек, жисмоний ва юридик шахсларнинг вакилларининг мурожаатларини қабул қилиш вақтинча тўхтатилади ва мурожаатлар электрон кўринишида t.urganch@umail.uz почтаси ҳамда Урганч тумани ҳокимлигининг (62) 35-21-649 рақамли “Ишонч телефони” орқали қабул қилинади.

Урганч туман ҳокимлиги ахборот хизмати.