Хорижий тилларни ўқитиш фаолияти билан шуғулланувчи тадбиркорлик субъектлари диққатига!!!

Ўзбекистон Республикаси Президентининг 2021 йил 19 майдаги “Ўзбекистон Республикасида хорижий тилларни ўрганишни оммалаштириш фаолиятини сифат жиҳатидан янги босқичга олиб чиқиш чора-тадбирлари тўғрисида”ги қарори билан хорижий тилларни ўргатишни таълим сиёсатининг устувор йўналиши сифатида ривожлантириш, ушбу йўналишда таълим сифатини тубдан ошириш, соҳага малакали мутахассисларни жалб этиш ҳамда аҳолининг хорижий тилларни ўрганишга бўлган қизиқишини ошириш мақсадида 2021 йил 1 июлдан бошлаб танлов эълон қилинмоқда. Унга кўра туманларда 5 тадан чет тилларига ўқитиш нодавлат ўқув марказларини ташкил этиш назарда тутилиб, қишлоқ ҳудудларида хорижий тилларни ўқитиш фаолиятини ташкил этиш учун тадбиркорлик субъектларига 50 млн. сўмгача маҳаллий бюджет маблағлари ҳисобидан бир марталик субсидия ажратилмоқда. Мазкур танловда иштирок этиш мақсадида бўлганлар туманлар ҳокимликларига мурожаат қилишлари мумкин.

 

Мурожаат учун телефон: +99893-745-99-92