Yurtimizda har yili dekabr oyining ikkinchi yakshanbasida O‘zbekiston qishloq xo‘jaligi xodimlari kuni – "Hosil bayrami" keng nishonlanadi. Bugun Yangiariq tumanida qishloq xo'jaligi soha zahmatkashlari kasb bayrami munosabati bilan tantanali tadbir bo‘lib o‘tdi. Tadbirda bir guruh fermer xo‘jaliklari, dehqon xo‘jaliklari hamda tomorqa yer egalariga "Ilg‘or fermer" ko‘krak nishonlari, tuman hokimining tashakkurnomalari va esdalik sovg‘alari tantanali topshirildi. 
To‘kin va fayzli dasturxon atrofida bo‘lib o‘tgan bayram tadbirida tuman madaniyat bo'limi san’atkorlari tomonidan ijro etilgan sho‘x kuy-qo‘shiqlar tadbirga o‘zgacha fayz va bayram shukuhini ulashdi.

Urganch tumani hokimligi axborot xizmati