Urganch tumanida viloyatdagi ishlab chiqaruvchi va eksportyor korxonalarni qo‘llab-quvvatlash, ayniqsa  mahalliy qishloq xo‘jaligi mahsuloti eksportchilariga yanada yaqindan ko‘mak berish hamda Soliq va budjet siyosatining 2025-yilga mo‘ljallangan asosiy yo‘nalishlari bo‘yicha seminar bo‘lib o‘tdi. Unda Soliq qo‘mitasi raisi o‘rinbosari va soliq boshqarmasi mutaxassislari ishtirok qildi.
Qishloq xo‘jaligi mahsulotlarini eksportga yo‘naltirish jarayonidagi qo‘shilgan qiymat zanjirini tahlil qilish, qolaversa, eksport va import jarayonlaridagi muammolarni tizimli ravishda bartaraf qilish maqsadida bo‘lib o‘tgan uchrashuv tadbirkorlarga ham birdek foydali bo‘ldi. 

Eksport faoliyatini rivojlantirish, mahsulot yetkazib berish hajmlarini yanada oshirish va biznesga to‘siq bo‘layotgan mavjud muammolarni aniqlash kabi dolzarb masalalar muhokama qilindi.