×
17-мар 2025 yil 13

Urganch tumani 45-sonli umumta'lim maktabi o'quvchisi Akbar Boboxonov Germaniyada

"Jadidlar izidan"  koʻrik-tanlovi gʻoliblari ayni vaqtda Germaniyada taʼlim sayohatini davom ettirmoqda. Oʻquvchilar sayohat dasturi doirasida Germaniyadagi Oʻzbekiston elchixonasida maʼrifatparvar Mahmudxoʻja Behbudiy tavalludining 150-yilligiga bagʻishlab oʻtkazilgan tadbirda ishtirok etishdi. Shuningdek, ushbu davlatda tahsil olayotgan oʻzbek talabalari bilan ham muloqot qilishdi.

✔️ Davlatimiz rahbarining tegishli qarori doirasida oʻtkazilgan mazkur tadbirda Turkiston jadidlik harakatining asoschisi, atoqli adib va jamoat arbobi Behbudiy hayot yoʻli va faoliyati xususida xorijiy ekspertlar va ziyolilar tomonidan atroflicha fikr bildirildi.

➖ Sayohatning keyingi manzili dunyodagi eng mashhur muzey majmualaridan biri, Germaniya poytaxti Berlin shahri markazida joylashgan Muzeylar oroli (Museumsinsel)da davom etdi. Shaharning Shpree daryosi tarkibidagi kichik orolda joylashgan ushbu muzey YUNESKOning Jahon merosi roʻyxatiga kiritilgan.

Oʻquvchilar, shuningdek Yevropadagi eng yirik va mashhur muzeylardan yana biri — Tabiat tarixi muzeyi (Museum für Naturkunde)ga sayohat uyushtirishdi.

Urganch tumani hokimligi axborot xizmati
Belgilangan matnni tinglash uchun quyidagi tugmani bosing Powered by GSpeech