3 нафар маҳкум муддатидан илгари озод қилинди

Жиноят ишлари бўйича Урганч туман суди томонидан ўтказилган очиқ сайёр суд мажлисида 3 нафар маҳкум тайинланган жазони ўташдан муддатидан илгари шартли равишда озод қилинди.

Жиноят ишлари бўйича Урганч туман суди томонидан 2022 йил
25 февраль куни Урганч тумани, Ғойбу қишлоғи, Оёқ боғ МФЙ биносида Урганч туман ИИБ билан ҳамкорликда ташкил қилинган очиқ сайёр суд мажлисида, Ўзбекистон Республикаси ЖКнинг 73-моддаси тартибида муқаддам судланган ва тайинлангани жазони ўтаб келаётган 3 нафар маҳкум ўрнатилган тартиб-қоида талабларини бажарган ва меҳнатга ҳалол муносабатда бўлганликлари сабабли жазони ўташдан муддатидан илгари шартли равишда озод қилинди.

Шу билан биргаликда суд томонидан тайнланган озодликни чеклаш жазосини ўташдан қасддан бўйин товлаган ҳамда суд томонидан ўз зиммасига юкланган мажбуриятларни бажармаганлиги сабабли 1 нафар маҳкумга тайинланган озодликни чеклаш жазоси озодликдан маҳрум қилиш жазосига алмаштирилиб, суд залидан қамоққа олинди.

Бундан ташқари, сайёр судда 4 нафар транспорт воситасини спиртли ичимлик истеъмол қилиб маст бўлгани ҳолда транспорт воситасини бошқарган ҳуқуқбузарларга нисбатан МЖтКнинг 131-моддаси билан бўлган маъмурий ҳуқуқбузарликка оид ишлари кўрилиб, қонунда белиланган жазолар тайинланди.

Шу билан биргаликда суд мажлиси иштирокчиларига ўзларини қизиқтирган саволлар юзасидан тушунтиришлар берилди.

Жиноят ишлари бўйича

Урганч туман судининг раиси Б.А.Якубов