Расмий веб сайти
Birlashgan Millatlar Tashkilotining Taraqqiyot Dasturi Coca-Cola jamg'armasi ko'magida Orolbo'yi mintaqasida toza ichimlik suvidan foydalanishni yaxshilashda davom etmoqda.
2023-yil 30-avgust kuni Xorazm viloyati Urganch tumanidagi “Xilol” mahalla fuqarolar yig‘ini hududida 3011 nafar, jumladan, 1425 nafari ayollarni tashkil qiladigan mahalla aholisi foydalanishi uchun 11175 metr uzunlikdagi toza ichimlik suvi tarmoqlarini ishga tushirish marosimi bo‘lib o‘tdi.
Tadbirda “Coca-Cola” kompaniyasining O‘zbekistondagi vakolatxonasi, Birlashgan Millatlar Tashkiloti Taraqqiyot dasturi, Urganch tuman hokimligi vakillari, shuningdek, “Hilol” mahalla fuqarolar yig‘ini aholisi ishtirok etdi.
Ushbu loyiha BMTTD Qo‘shma dasturi tomonidan Coca-Cola jamg‘armasi tomonidan moliyalashtirilgan “Qishloq joylarda toza ichimlik suvi bilan ta’minlash orqali Orol bo‘yida aholi salomatligini muhofaza qilishni yaxshilash” suv loyihasi doirasida amalga oshirildi.
Coca-Cola jamg'armasi o'n ikki yildan ortiq vaqtdan beri barqaror rivojlanish loyihalarini amalga oshirishda BMTTD bilan yaqin hamkorlik qilib kelmoqda. Shu vaqt ichida “Coca-Cola” jamg‘armasi moliyaviy ko‘magida BMTTD tomonidan qiymati bir million AQSh dollaridan ortiq loyihalar amalga oshirildi. Grantlar O‘zbekistonning chekka hududlaridagi suv tanqisligi muammolarini hal qilishga qaratilgan.
