RASMIY MUNOSABAT

RASMIY MUNOSABAT

Ijtimoiy tarmoqlar orqali Urganch tumanida faoliyat olib borayotgan «“Jannat Minor” sayyohlik mehmonxonasi tuman hokimligi tomonidan buzdirish buyurilgani haqida» murojaаt tarqalgan edi. Murojaat yuzasidan quyidagilarni ma’lum qilamiz.

Urganch tumani hokimining 13.04.2018-yildagi 1183q-sonli qarori bilan fuqaro Sapayeva Saboxatga “Savdo va maishiy xizmat ko’rsatish shahobchasi” qurish uchun “Yuqoribog`” qishlog’i qishloq xo’jalik yer xaritasining 296q-konturidan 0.04 gektar 38-ball bonitetli ekin yer maydoni ajratib berilgan.

Xorazm viloyat hokimining 26.05.2018-yildagi 358q-sonli qarori bilan Urganch tumani hokimining 13.04.2018-yildagi 1183q-sonli qarori ma’qullangan va fuqaro Sapayeva Saboxatga “Savdo va maishiy xizmat ko’rsatish shahobchasi” qurish uchun “Yuqoribog`” qishlog’i qishloq xo’jalik yer xaritasining 296q-konturidan 0.04 gektar 38-ball bonitetli ekin yer maydoni doimiy foydalanish huquqi bilan ajratib berilgan.

Ushbu ajratib berilgan 0,04 gektar yer maydoniga 22:03:06:01:09:0723 kadastr raqami berilib fuqaro Sapayeva Saboxat nomiga 2018-yilda kadastr xujjatlari rasmiylashtirilib, yer maydonlari 01.06.2018-yilda davlat ro’yxatidan o’tkazilgan.

Urganch tumani hokimining 25.09.2018-yildagi 3025q-sonli qarori bilan Urganch tumani “Yuqoribog`” qishlog’i hududida joylashgan fuqaro S.Sapayeva tegishli qishloq xo’jaligi xaritasining 296-qism konturida joylashgan “Savdo va maishiy xizmat ko’rsatish shahobchasi” atrofidagi 0.02 gektar 38-ball bonitetli ekin yer maydonlaridan vaqtinchalik obodonlashtirish va ko’kalamzorlashtirish uchun foydalanishga ruxsat berilgan va yer maydonida qurilish qilmaslik to’g’risida ogoxlantirilgan.

Ushbu qarorda yer maydoni o`rnatilgan tartibda ajratib berilmasdan, muddati ko`rsatilmasdan, yerdan foydalanishga ruxsat berilgan.

Ushbu yer maydonlariga kadastr xujjatlari rasmiylashtirilmagan va davlat ro`yxatidan o`tkazilmagan.

Riyeltorlik xizmatlarini ko`rsatgan tashkilot “Xorazm ko`chmas mulk savdo servis” MChJ tomonidan 04.10.2018-yilda rasmiylashtirilgan kelishuv bayonnomasi, 04.10.2018-yilda rasmiylashtirilgan 291-sonli oldi-sotdi shartnomasi hamda topshiruv-qabul qiluv dalolatnomasiga asosan fuqaro S.Sapayeva o`ziga tegishli bo`lgan umumiy yer maydoni 400.0 kv.metr, shundan qurilish osti maydoni 400.0 kv.metrdan iborat bo`lgan qurilishi tugallanmagan “Savdo va maishiy xizmat ko`rsatish shahobchasi”ni fuqaro M.Madaminovaga sotgan.

Shularga asosan ushbu qurilishi tugallanmagan “Savdo va maishiy xizmat ko`rsatish shahobchasi”ga fuqaro M.Madaminova nomiga 2018-yilda kadastr xujjatlari rasmiylashtirilib, yer maydonlari 09.09.2020 yilda davlat ro`yxatidan o`tkazilgan.

Urganch tuman qurilish bo`limi tomonidan 19.10.2022-yilda berilgan qurilishi(rekonstruksiya) qurilishi tugallangan obyektdan foydalanish uchun ruxsatnomaga asosan 400.0 kv.metrni tashkil qilgan “2-qavatli maishiy va ximzat ko`rsatish shaxobchasi” obyekti foydalanishga qabul qilingan.

Shularga asosan ushbu “2-qavatli maishiy va ximzat ko`rsatish shaxobchasi” fuqaro M.Madaminova nomiga 26.10.2022-yilda davlat ro`yhatidan o`tkazilgan.

Fuqarolik ishlari bo‘yicha Urganch tumanlaro sudining 2022-yil 6-maydagi hal qiluv qaroriga asosan fuqaro M.Madaminova tomonidan o`ziga tegishli bo`lgan, xujjat bo`yicha umumiy yer maydoni 400.0 kv.metrdan iborat 2-qavatli binosi yon atrofida o`zboshimchalik bilan qurilgan qurilmalar, ya’ni shimol tomonda joylashgan 300.0 kv.metrli o`lchamli bostirma, o`lchami 0.5 metr(8.9*8.4) 74.76 kv.metr favvora, o`lchamlari(10*5.5) 55 kv.metrli va 5*6 jami 30.0 kv.metrli 2-ta bino, balandligi 4 metr, uzunligi 110.0 metr paxsa devor, eni 1.0 metr, uzunligi 52.0 metr bo`lgan perila va perila tagidagi beton qurilmalarini qarzdorning hisobidan buzish belgilangan.

Xorazm viloyat sudi FIB sudlov xay’atining 2022-yil iyul oyining 26 kunidagi ajrimiga asosan Fuqarolik ishlari bo‘yicha Urganch tumanlaro sudining 2022-yil 6-maydagi hal qiluv qarori o’z kuchida qoldirilgan.

O`zbekiston Respublikasi Oliy sudi fuqarolik ishlari bo`yicha sudlov hay’atining kassatsiya 23.08.2023-yildagi ajrimiga asosan Fuqarolik ishlari bo‘yicha Urganch tumanlaro sudining 2022-yil 6-maydagi hal qiluv qarori hamda Xorazm viloyat sudi FIB sudlov xay’atining 2022-yil iyul oyining 26 kunidagi ajrimi o`zgarishsiz qoldirilganligini ma’lum qilamiz.

Hozirda Fuqarolik ishlari bo‘yicha Urganch tumanlaro sudining 2022-yil 6-maydagi hal qiluv qaroriga asosan fuqaro M.Madaminova tomonidan o`zboshimchalik bilan qurilgan qurilmalar buzish uchun majburiy ijro byurosi tomonidan qaror ijrosini ta’minlash ishlari ko`rilayotganligini ma’lum qilamiz.

Urganch tumani hokimligi axborot xizmati.